تون اسرائيل جي خلاف خاموش ڇو آهين؟ رابي پيرزاده جو ملاله يوسف زئي کان سوال

پاڪستان جي اڳوڻي گلوڪارا ۽ سماجي ڪارڪن رابي پيرزاده غزه ۾ جاري اسرائيل جي ظلم تي خاموش رهندڙ ملاله يوسف زئي کان سوال ڪيو آهي ته تون خاموش ڇو آهين ؟ رابي پيرزاده سماجي رابطن جي ويب سائيٽ ايڪس تي اسرائيلي فوج جي جارحيت جي هڪ وڊيو پوسٽ ڪئي جنهن ۾ اسرائيلي فوجي هڪ معصوم فلسطيني شهري تي بلڊوزر چاڙهي رهيا آهن . پوسٽ شيئر ڪندي رابي پيرزاده سوال  ڪيو ته ڇا دنيا ۾ ڪو انسان آهي جيڪو ان اسرائيلي درندن کي روڪي؟ رابي پيرزاده ڪاوڙ جو اظهار ڪندي گڏيل قومن سان مخاطب ٿيندي پڇيو ته هيءُ سڀ ڇا آهي، آخر هو اهو انتها جو ظلم ڪيئن ٿيڻ ڏئي رهيا آهن . رابي پيرزاده نوبل انعام ماڻيندڙ ملاله يوسف زئي جي آفيشل ايڪس اڪائونٽ کي ٽيگ ڪندي پڇيو ته تون اسرائيل خلاف سنجيده احتجاج ڇو نه ٿي ڪرين، ڇو خاموش آهين، ان بيحس دنيان سان ڪهڙو مسئلو آهي؟.