- Advertisement -
حيدرآباد گيريزن پاران اقبال بيت بازي جا انٽر يونيورسٽي مقابلا ڪرايا ويا.
پاڪستان آرمي پاران علامه اقبال کي ڀيٽا پيش ڪرڻ لاءِ شاگردن ۾ بيت بازي جا مقابلا ڪرايا ويا.
بيت بازي جي مقابلن لاءِ حيدرآباد ريجن جي 14 يونيورسٽين مان 16 ٽيمن کي دعوت ڏني وئي.
بيت بازي جي مقابلن ۾ هر يونيورسٽي مان 15 شاگردن حصو ورتو، جڏهن ته مجموعي طور تي 210 شاگردن حصو ورتو.
تعليمي ماهرن تي ٻڌل جيوري مقابلن جي نتيجن جو اعلان ڪيو.
جيوري ۾ سنڌ يونيورسٽي جي پروفيسر ڊاڪٽر شازرا حسين، اردو شعبي جي پروفيسر ڊاڪٽر عتيق احمد جيلاني، ڪراچي يونيورسٽي جي پروفيسر ڊاڪٽر تنظيم الفردوس شامل هئا.
بيت بازي جي مقابلن ۾ سنڌ يونيورسٽي جي شاگردن پهرين ۽ پمس يونيورسٽي جي شاگردن ٻي پوزيشن حاصل ڪئي.
ان موقعي تي استادن ۽ شاگردن پاڪ فوج کي ڀيٽا پيش ڪندي چيو ته اهڙو پليٽ فارم فراهم ڪرڻ سان شاگردن جي صلاحيتن ۽ جذبي ۾ اضافو ٿيندو آهي- Advertisement -
