وزيراعظم انوار الحق ڪاڪڙ نگران وفاقي ڪابينا جو اجلاس اڄ طلب ڪري ورتو آهي جنهن ۾ 6 نڪاتي ايجنڊا تي غور ڪيو ويندو.
وزيراعظم هائوس ۾ ٿيندڙ نگران وفاقي ڪابينا جي اجلاس ۾ ملڪ جي معاشي ۽ سياسي صورتحال جو جائزو ورتو ويندو، ان کان علاوه نار ملن سان فري ٽريڊ ايگريمينٽ جي پنجين دور بابت معاملن جو جائزو ورتو ويندو.
اجلاس دوران پاڪستان بزنس ويزا آن لائين لسٽ ۾ وڌيڪ ملڪن کي شامل ڪرڻ جي منظوري ورتي ويندي، ان سان گڏ آزاد ڄمون ڪشمير ڪائونسل جي 2023 کان 2024 جي لاءِ بجيٽ جي منظوري به ايجنڊا ۾ شامل آهي.
ذريعن جو چوڻ آهي ته معمولي تبديلي سان حج پاليسي 2024 هڪ ڀيرو ٻيهر ڪابينا اجلاس ۾ پيش ڪئي ويندي، بينڪن کي مالي سال 2021 کان 2022 ۾ ناڻي جي مٽا سٽا جي غيرمعمولي منافعي تي ٽيڪس جي منظوري به ايجنڊا جو حصو آهي.
وفاقي ڪابينا اجلاس ۾ اي سي ايل مان نالا ڪڍڻ ۽ شامل ڪرڻ جو به جائزو ورتو ويندو جڏهن ته بجلي ڪمپنين جي آفيسرن لاءِ مفت بجلي سهولت ختم ڪرڻ لاءِ بجلي سهولت ختم ڪرڻ جي معاملي تي توانائي بابت ڪابينا ڪاميٽي جي فيصلي جي منظوري ڏني ويندي……..
