کپري ويجهو عدالتي حڪم تي کاهي پوليس زميندارن جي زرعي زمينن تي ڇاپا هڻي 23 هارين کي بازياب ڪرائڻ جي دعويٰ ڪئي آهي.
ايڊيشنل سيشن جج جي حڪم تي پوليس زميندار يعقوب ۽ شاهنواز مري جي زمينن تي ڇاپو هنيو.
پوليس جو چوڻ آهي ته ڪارروائي دوران چمپا، ڪانجي، پوجا، گوري، ڪيسو، چندري سميت 23 هارين کي بازياب ڪرايو آهي.
بازياب ڪرايل هارين جو چوڻ آهي ته زميندار جبري پورهيو ڪرائيندو هو.
زميندارن جو چوڻ آهي ته هارين کان جبري پورهيو نه ڪرايو ويندو هو، هارين ڏانهن سندس قرض رهيل هو.
پوليس جو چوڻ آهي ته بازياب ڪرايل هارين کي اڄ عدالت ۾ پيش ڪيو ويندو.
