ڪراچي ۾ امن امان ۽ سيڪيورٽي خدشن سبب سنڌ سيڪريٽريٽ جي سڪيورٽي سخت ڪرڻ جو فيصلو ڪيو ويو آهي.
سنڌ سيڪريٽريٽ جي عمارتن ۽ بيرڪن ۾ فول پروف سيڪيورٽي خاطر ايس او پيز جاري ڪئي وئي آهي.
انتظاميا پاران ايس او پيز تي سختي سان عمل ڪرڻ جو حڪم پڻ ڏنو ويو آهي.
خانگي ماڻهن جي سنڌ سيڪريٽريٽ ۾ اجازت کانسواءِ داخل ٿيڻ تي پابندي لاڳو ڪئي وئي آهي.
سيڪريٽريٽ جي داخلي ۽ خارجي دروازن تي پوليس نفري وڌائڻ جي هدايت ڪئي وئي آهي.
سيڪريٽريٽ ۽ سرڪاري ملازمن کي پنهنجا آفيس ڪارڊ نمايان طور لڳائڻ جو حڪم جاري ڪيو ويو آهي.
