نگران حڪومت پيٽرول 2 رپيا 4 پيسا سستو ڪري ڇڏيو

نگران حڪومت پيٽرول 2 رپيا 4 پيسا سستو ڪري ڇڏيو، جڏهن ته  تيل جون نيون قيمتون رات ٻارهين وڳي کان ئي لاڳو ٿي ويون . ناڻي واري وزارت جي نوٽيفڪيشن  موجب  پيٽرول جي قيمت ۾ 2 روپيا 4 پئسا ليٽر جي گهٽتائي سان 281 روپيا 34 پئسا في ليٽر ٿي ويو آهي. ڊيزل جي قيمت ۾ 6 رپيا 47 پيسا لاٿ ڪئي وئي جنهن بعد ڊيزل جي نئين قيمت 296 روپيا 71 پئسا في ليٽر مقرر ڪئي وئي آهي. لائيٽ ڊيزل جي قيمت ۾ 9 رپيا گهٽتائي  اچڻ کانپوءِ  لائيٽ ڊيزل في ليٽر  گهٽجي 180 روپيا 45 پئسا تائين پهچي ويو . گاسليٽ جي قيمت ۾ 6 رپيا 5 پيسا لاٿ ڪئي وئي آئي جنهن کانپوءِ گاسليٽ 204 روپيا 98 پئسا في ليٽر ٿي ويو آهي.