بچاءَ واري وزارت سپريم ڪورٽ جو فوجي عدالتن ۾ سويلين جو ٽرائل روڪڻ وارو فيصلو چئلينج ڪري ڇڏيو.
بچاءَ واري وزارت فوجي ٿاڪن تي حملن جي جوابدارن جو ٽرائل فوجي عدالتن ۾ نه ڪرڻ جو فيصلو ڪالعدم قرار ڏيڻ جي درخواست داخل ڪرائيندي آفيشل سيڪريٽ ايڪٽ جا ڪالعدم قرار ڏنل قلم بحال ڪرڻ جي اپيل ڪئي.
درخواست ۾ موقف اختيار ڪيو ويو آهي ته آرمي ايڪٽ جي ڪالعدم قرار ڏنل قلم 59 چار به بحال ڪيو وڃي، اپيلن تي قطعي فيصلي تائين فوجي عدالتن ۾ ٽرائل روڪڻ خلاف منع نامو جاري ڪيو وڃي.
درخواست ۾ چيو ويو ته سپريم ڪورٽ جي پنج رڪني بينچ جن درخواستون تي فيصلو ڏنو هو اهي ٻڌڻ جوڳيون نه هيون، آرمي ايڪٽ ۽ آفيشل سيڪرٽ ايڪٽ جون شقون ڪالعدم قرار ڏيڻ سان ملڪ کي وڏو نقصان ٿيندو……
