لاھور جي عدالت آشيانھ ھائوسنگ ريفرنس ۾ اڳوڻي وزيراعظم شهباز شريف سميت ڏھن جوابدارن کي بري ڪري ڇڏيو.
احتساب عدالت ۾ آشيانھ ھائوسنگ ريفرنس جي ٻڌڻي ٿي.
ٻڌڻي دوران اٽارني جنرل ۽ نيب پنھنجون رپورٽون پيش ڪري ڇڏيون.
نيب پراسيڪيوٽر موقف اختيار ڪيو ته سپريم ڪورٽ جو فيصلو آشيانه هائوسنگ اسڪيم ڪيس تي لاڳو نه ٿي رهيو آهي جنھن تي عدالت چيو تھ بريت جي درخواستن تي ٻن ڪلاڪن تائين فيصلو ڏنو ويندو.
عدالت اڳوڻي وزيراعظم شهباز شريف، احد چيما ۽ فواد حسن فواد سميت ڏھن جوابدارن جي بريت بابت درخواستون منظور ڪندي کين بري ڪري ڇڏيو.
آشيانھ ھائوسنگ ريفرنس مان جوابدار نديم ضياءَ ۽ ڪامران ڪياني کي ڪيس مان پھريان ئي ڊسچارج ڪيو ويو ھو.
