آءِ ايم ايف جي پبلڪ انويسٽمينٽ مئنيجمينٽ اسيسمينٽ رپورٽ ۾ پاڪستان جي ترقياتي بجيٽ تي خدشن جو اظهار ڪيو ويو آهي.
آءِ ايم ايف جي پبلڪ انويسٽمينٽ مئنيجمينٽ اسيسمينٽ رپورٽ ۾ چيو ويو آهي ته پاڪستان جي ترقياتي بجيٽ غير مستحڪم آهي ان تي نظرثاني ٿيڻ گهرجي.
رپورٽ ۾ چيو ويو آهي ته سمورن ترقياتي منصوبن کي مڪمل ڪرڻ لاءِ 10 ڏھائي 7 ٽريلين رپيا گهربل آهن، ترقياتي منصوبن لاءِ گهربل فنڊنگ هلندڙ سال جي ترقياتي بجيٽ 727 ارب رپين کان 14 ڀيرا وڌيڪ آهي، گذريل بجيٽ ۾ حڪومت 2 ڏھائي 3 ٽريلين رپين جا نوان ترقياتي منصوبا شروع ڪيا.
آءِ ايم ايف جي رپورٽ ۾ چيو ويو آهي ته ترقياتي منصوبن جي منظوري کان اڳ ٽيڪنيڪل اسسمنٽ ضروري آهي، ترقياتي منصوبن جي چونڊ لاءِ 5 سالن جي پاليسي جوڙي وڃي، ترقياتي منصوبن لاءِ فنڊ جاري ڪرڻ جو طريقيڪار تيار ڪري شايع ڪيو وڃي.
اسسٽمنٽ رپورٽ موجب، هلندڙ مالي سال جي آخر تائين پاڪستان جو قرض 81 ڏھائي 8 ٽريلين ٿي ويندو جيڪو ملڪ جي جي ڊي پي جو 73 سيڪڙو آهي، ايندڙ بجيٽ جو ڪاٿو 15 ڏھائي 4 ٽريلين تائين هوندو.
عالمي مالياتي فنڊ جي رپورٽ ۾ چيو ويو آھي تھ پاڪستان موسمياتي تبديليءَ جي ڪري سڀ کان وڌيڪ متاثر ٿيندڙ ملڪن ۾ شامل آهي، 2022ع جي ٻوڏ سبب 3 ڪروڙ ماڻهو متاثر ٿيا ۽ 17 سئو ماڻهو ٻوڏ سبب فوت ٿيا.
رپورٽ ۾ چيو ويو آهي ته 2000ع کان پاڪستان ۾ هر سال موسمياتي تبديلين سبب 2 ارب ڊالرن جو نقصان ٿي رهيو آهي، پاڪستان ۾ هر سال 40 لک ماڻهو موسمياتي تبديلين سبب متاثر ٿين ٿا ۽ 500 ماڻهو قدرتي آفتن ۽ موسمياتي تبديلين سبب فوت ٿي رھيا آھن.
آءِ ايم ايف جي رپورٽ موجب، موسمياتي تبديليون زراعت ۽ انفراسٽرڪچر کي تباهه ڪري رهيو آهن، سال 2050ع تائين پاڪستان جي معيشت قدرتي آفتن سبب 9 سيڪڙو تائين متاثر ٿي سگهي ٿي، پاڪستان ۾ موسمياتي تبديلين کي منھن ڏيڻ لاءِ بجيٽ انتھائي اڻپوري آھي پاڪستان ترقياتي بجيٽ ۾ موسمياتي تبديلين جي پراجيڪٽس کي ترجيح ڏئي
