آسٽريليا آءِ سي سي ورلڊ ڪپ جي فائنل ۾ ميزبان ٽيم ڀارت کي هارائي ڇهون ڀيرو ڪرڪيٽ جو عالمي چيمپئن بڻجي ويو.
ورلڊ ڪپ جو فائنل ميچ احمد آباد جي نريندر مودي اسٽيڊيم ۾ کيڏيو ويو، جتي آسٽريلوي ڪپتان پيٽ ڪمنز ٽاس کٽي پهريان بالنگ جو فيصلو ڪيو .
آسٽريليا جي دعوت تي پهريان بيٽنگ ڪندي ڀارت جي پوري ٽيم 50 اوورن ۾ 240 رنسن تي آئوٽ ٿي وئي، ڪي ايل راهول 66 ۽ ويرات ڪوهلي 54 رنسون ٺاهي نمايان رهيا .
روهت شرما 47، شبمن گل ۽ شهرياس ايئر چار چار رنسون ٺاهي آئوٽ ٿيا، جڏهن ته رويندرا جڊيجا 9، سوريا ڪمار ياديو 18، محمد شامي، 6، جسپريت ڀمراهه هڪ، ڪلديپ ياديو 10 ٺاهي آئوٽ ۽ محمد سراج 9 رنسون ٺاهي ناٽ آئوٽ رهيو.
آسٽريليا طرفان مچل اسٽارڪ 3، جوش هيزل ووڊ 2، پيٽ ڪمنز 2، گلين ميڪسيول ۽ ايڊم زمپا هڪ هڪ وڪيٽ ورتي.
آسٽريليا ڀارت طرفان مليل 241 رنسن جو حدف ٽريوس هيڊ ۽ لبوشين جي بهترين بيٽنگ جي ذريعي 43 اوورن ۾ پورو ڪيو.
حدف حاصل ڪرڻ لاءِ هيڊ مشڪل وقت ۾ سينچري ۽ لبوشين ففٽي ڪري پنهنجي ٽيم کي ورلڊ ڪپ کٽرائڻ ۾ اهم ڪردار ادا ڪيو.
ٽريوس هيڊ 120 بالن تي شاندار 137 رنسن جي اننگز کيڏي، جڏهن ته لبوشين 58 رنسون ٺاهي ناٽ آئوٽ رهيو.
ڀارت طرفان جسپريت ڀمراهه ٻه، محمد شامي ۽ محمد سراج هڪ هڪ وڪيٽ ورتي.
مين آف دي ميچ جو ايوارڊ ٽريوس هيڊ کي قرار ڏنو ويو جڏهن ته مين آف دي ٽورنامينٽ جو ايوارڊ ويرات ڪوهلي کي قرار ڏنو ويو .
واضح رهي ته آسٽريلوي ٽيم 1987ع 1999ع، 2003ع 2007 ۽ 2015 ۾ ون ڊي ورلڊ ڪپ جون ٽرافيون پنهنجي نانءُ ڪيون..
