غزا تي اسرائيلي فوج خلاف دنيا جي مختلف ملڪن ۾ احتجاجن جو سلسلو جاري آهي، مظاهرين فوري طور تي فلسطينين مٿان ٿيندڙ تشدد روڪڻ ۽ جنگبندي جو مطالبو ڪيو.
واشنگٽن ڊي سي جي يونين تي غزه جا نعرا هنيا، شڪاگو ٽربيوين آفيس آڏو مظاهرين فلسطيني شهيدن جي نالن سان پوسٽر کڻي احتجاج ڪيا.
ميلبرن ۾ فلسطينين سان يڪجهتي لاءِ هزارين ماڻهن وڏي احتجاجي ريلي ڪڍي.
سوئيڊن، پيرس ۽ ٽوڪيو ۾ فلسطينين جي حق ۾ احتجاجي مظاهرا ڪيا ويا.
اسرائيلي جارحيت خلاف برطانيا جي هڪ سئو هنڌن تي مظاهرا ڪيا ويا.
احتجاج ۾ شامل ماڻهن جو چوڻ هو ته جنگ بندي جي حق ۾ ووٽنگ نه ڪندڙ به فلسطينين تي ٿيندڙ ظلمن ۾ شريڪ آهن، مظاهري ۾ وزيراعظم رشي سونڪ ۽ ڪيئر اسٽارمر خلاف شيم آن يو جا نعرا پڻ حنيا ويا.
بارسلونا ۾ فائر فائٽرز طرفان سائر وڄائي فلسطينين جي نسل ڪشي روڪڻ ۽ اسرائيل کي هٿيارن جي فراهمي تي پابندي لڳائڻ جو مطالبو ڪيو.
