پيشيور فوج  ٻارن کي نشانو ناھي بڻائيندي پر غزا ۾ ٻارن جو ھولوڪاسٽ ٿي رھيو آھي: نگران وزيراعظم انوارالحق ڪاڪڙ

نگران وزيراعظم انوارالحق ڪاڪڙ چيو آھي تھ پيشيور فوج  ٻارن کي نشانو ناھي بڻائيندي پر غزا ۾ ٻارن جو ھولوڪاسٽ ٿي رھيو آھي. زارا الرٽ ايپ لانچ ڪرڻ جي موقعي تي اسلام آباد ۾ ڪوٺايل تقريب کي خطاب ڪندي نگران وزيراعظم چيو تھ حڪومت ٻارن جي حقن جي تحفظ لاءِ پرعزم آھي، معاشري جي سمورن طبقن جي ذميواري آھي تھ اھي ٻارن جي بھتري لاءِ ڪم ڪن ۽ حڪومت بھ ٻارن جي ڀلائي توڙي ترقي لاءِ ھر ممڪن قدم کڻي رھي آھي. ھن چيو تھ ٻار مستقبل جو اثاثو آھن، زارا الرٽ ايپ ٻارن جي حقن جي تحفظ ۾ مددگار ثابت ٿيندي. نگران وزيراعظم چيو تھ غزا جا ٻار ھن وقت سندس ذھن ۾ آھن اتي ٻارن جي رتوڇاڻ جاري آھي، جنگ ۾ پيشيور فوج ڪڏھن بھ ٻارن کي نشانو ناھي بڻائيندي پر اسرائيلي فوج غزا ۾ ھٿين خالي ٻارن کي قتل ڪري رھي آھي. انوارالحق ڪاڪڙ چيو تھ ھو غزا جي ٻارن آڏو شرمندھ آھن، غزا ۾ فلسطيني ٻارن جو ھولوڪاسٽ ڏسي رھيا آھن، ان کي فوري طور روڪيو وڃي. نگران وزيراعظ۾ چيو تھ فلسطين ۾ پيدا ٿيل صورتحال مستقبل جي تڪرارن جو اھم سبب بڻجندو