اسرائيلي فوج جي غزا ۾ انڊونيشين اسپتال تي بمباري، 12 فلسطيني شهري شهيد، ڪيترائي ڊاڪٽر زخمي

اسرائيلي فوج جي غزا ۾ انڊونيشين اسپتال تي بمباري، 12 فلسطيني شهري شهيد ۽ ڪيترائي ڊاڪٽر زخمي ٿي پيا، جڏهن ته شهيد فلسطينين جو انگ وڌي 13 هزار 300 ٿي ويو آهي. صحت واري وزارت موجب اسرائيلي فوج سرجيڪل ڊپارٽمينٽ تي بمباري ڪئي ۽ اسپتال آڏو گڏيل قومن جي اسڪول تي به بمباري ڪئي. صحت واري وزارت جو چوڻ آهي  اسڪول ۾ بي گهر بڻيل هزارين  فلسطينين پناهه ورتي آهي. اسرائيلي فوج جي هوائي ۽ زميني ڪاررواين ۾ غزا ۾ شهيد فلسطنين جو انگ وڌي 13 هزار 300 ٿي ويو. غزا ميڊيا آفيس موجب شهيد فلسطينن ۾ 5 هزار  600 ٻار  ۽ 3هزار 550 عورتون شامل آهن، اسرائيلي حملن ۾ زخمين جو تعداد 31 هزار کان وڌي ويو. غزا پٽي جا 15 لک شهري بي گهر بڻيل آهن ۽ جڏهن ته باقي فلسطيني به لڏپلاڻ تي مجبور آهن.