خيبرپختونخوا ۾ فورسز جي آپريشن دوران 3 دھشتگرد مارجي ويا، جڏھن تھ بم ڦاٽڻ سبب ھڪ جوان شھيد ٿي ويو.
آءِ ايس پي آر طرفان جاري ڪيل بيان ۾ چيو ويو تھ ڊيرا اسماعيل خان جي علائقي ڪلاچي ۾ سڪيورٽي فورسز ڳجھي ڄاڻ جي بنياد تي آپريشن ڪيو ويو.
آپريشن دوران فائرنگ جي ڏي وٺ ۾ 2 دھشتگرد مارجي ويا.
ٻئي پاسي ڏکڻ وزيرستان جي علائقي ڪوٽ اعظم ۾ ڪيل ڪارروائي ۾ ھڪ دھشتگرد مارجي ويو.
آءِ ايس پي آر موجب مارجي ويل دھشتگرد معصوم شھرين جي قتل ۾ ملوث ھئا، وٽانئن ھٿيار ۽ بارودي مواد ھٿ ڪيو ويو آھي.
پاڪ فوج جي ترجمان موجب اتر وزيرستان ضلعي جي غور يوم واري علائقي ۾ ديسي بم ڦاٽڻ سبب ھڪ جوان شھيد ٿي ويو، 26 ورھين جي سپاھي شاھزيب جو تعلق راولپنڊي سان ھو.
