پاڪستان امن جو خواھشمند آھي، پاڙيسيرين سان ڀائراڻا لاڳاپا چاھي ٿو: نگران وزيراعظم انوارالحق ڪاڪڙ

نگران وزيراعظم انوارالحق ڪاڪڙ چيو  آھي تھ پاڪستان امن جو خواھشمند آھي، پاڙيسيرين سان ڀائراڻا لاڳاپا چاھي ٿو، فوج اندروني ۽ ٻاھرين چئلينجن کي منھن ڏيڻ جي ڀرپور صلاحيت رکي ٿي. پي ايَ ايف اڪيڊمي اصغر خان ۾ ايئر فورس جي پاسنگ آئوٽ پريڊ ٿي، جنھن ۾ نگران وزيراعظم انوار الحق خاص مھمان طور شريڪ ٿيو ۽ پريڊ جو معائنو ڪيو. تقريب کي خطاب ڪندي انوار الحق ڪاڪڙ چيو تھ پاس آئوٽ ٿيندڙ ڪيڊٽس کي ھو واڌايون ڏي ٿو. ھن چيو تھ پاڪستان ھٿيارن جي ڊوڙ ۾ شامل ناھي، خوشي آھي تھ ھوائي فوج جديد ٽيڪالاجي سان پاڻ کي ليس ڪيو آھي. نگران وزيراعظم چيو تھ آءِ ٽي جي تبديلين سڪيورٽي ماحول تبديل ڪري ڇڏيو آھي، کين جديد ٽيڪنالاجي سان ليس ٿيڻو پوندو. انوار الحق ڪاڪڙ چيو تھ اميد تھ ڪيڊٽس پنھنجي تربيت جي بنياد تي چئلينجن تي ضابطو آڻيندا،  ملڪي فوج اندروني ۽ ٻاھرين چئلينجن کي منھن ڏيڻ جي ڀرپور صلاحيت رکي ٿي. نگران وزيراعظم چيو تھ ڪشمير مسئلي جي حل کانسواءِ خطي ۾ جٽادار امن ممڪن ناھي…………….