ڀارت ۾ دبئي نه وٺي وڃڻ تي زال هٿان مڙس قتل

ڀارت ۾ سالگرهه ملهائڻ لاءِ دبئي نه وٺي وڃڻ تي زال، مڙس کي ٺونشو هڻي ابدي ننڊ سمهاري ڇڏيو. ڀارتي ميڊيا موجب مهاراشٽر رياس جي شهر پوني ۾ جمعي ڏينهن 36 ورهين جي گهرواري رينوڪا سالگرهه ملهائڻ لاءِ دبئي نه وٺي وڃڻ تي ڪاوڙ ۾ پنهنجي 38 ورهين جي مڙس نِکِل کَنا کي نَڪ تي ٺونشو هنيو، جنهن ڪري سندس نَڪ مان گهڻو رت وهڻ لڳو. زخمي شخص کي فوري طور اسپتال نيو ويو، جتي ڊاڪٽرن سندس موت جي تصديق ڪئي. پوليس عورت خلاف ڪيس داخل ڪري کيس  گرفتار ڪري ورتو آهي. نِکِل ۽ رينوڪا پسند جو پرڻو ڪيو هو ۽ سندن شاديءَ کي 6 سال ٿيا هئا.