ڪراچي سميت سڄي سنڌ ۾ نواز شريف جو بيانيو گونجندو، ايندڙ چونڊن ۾ ن ليگ اڪثريت ماڻي حڪومت ٺاهيندي : بشير  ميمڻ

مسلم ليگ نون سنڌ جي صدر بشير  ميمڻ چيو آهي ته ڪراچي سميت سڄي سنڌ ۾ نواز شريف جو بيانيو گونجندو، ايندڙ چونڊن ۾ ن ليگ اڪثريت ماڻي حڪومت ٺاهيندي. بشير ميمڻ جي صدارت هيٺ مسلم ليگ نون ڪراچي ڊويزن جو اجلاس ٿيو جنهن  ۾ سنڌ جي اڳوڻي گورنر محمد زبير، علي اڪبر گجر، اڳوڻي سينيٽر نهال هاشمي ۽ ڪراچي جي سمورن ضلعن جا صدر ۽ جنرل سيڪريٽري شريڪ ٿيا. اجلاس  ايندڙ عام چونڊن جي تياري ۽ ٻين جماعتن سان سيٽ ايڊجسٽمينٽ جي حوالي سان صلاح مشورا ڪيا ويا. ان موقعي تي بشير ميمڻ جو چوڻ هو ته ڪراچي سميت سڄي سنڌ جي هر گهر ۾ نواز شريف جو بيانيو گونجندو، ايندڙ چونڊن ۾ ن ليگ اڪثريت ماڻي حڪومت ٺاهيندي.