غزه ۾ عارضي جنگ بندي جو ستون ڏينهن، حماس وڌيڪ 8 اسرائيلين کي آزاد ڪري ڇڏيو

حماس ۽ اسرائيل وچ ۾ قطر ۽ مصر ٽياڪڙي ۾ ٿيندڙ عارضي جنگبندي جي ستين ڏهاڙي حماس وڌيڪ 8 اسرائيلين کي آزاد ڪري ڇڏيو. غير ملڪي خابرو اداري موجب حماس پهريان فرانس جي ٻٽي شهريت رکندڙ 21 ورهين جي ناري ۽ 40 ورهين جي عورت کي آزاد ڪيو جنهن بعد 2 ٻارن ۽ چئن عورتن سميت وڌيڪ ڇهن اسرائيلين کي ريڊ ڪراس جي حوالي ڪيو. حماس طرفان وڌيڪ  8 اسرائيلي قيدي آزاد ڪرڻ  کانپوءِ اسرائيل  کي به 30 فلسطيني قيدي آزاد ڪرڻا پيا. يهودي جيل مان آزادي ماڻيندڙ فلسطينين ۾ 23 ٻار ۽ 7 عورتون  شامل آهن.