- Advertisement -
سنڌ ٽي وي نيٽ ورڪ جي سڏ تي سنڌي ثقافت جو ڏهاڙو 3 ڊسمبر تي مظلوم نياڻين سان ساٿ جو وچن جي سِري هيٺ ملهائڻ لاءِ تياريون تيز ٿي ويون آهن.
نوابشاهه جي اپوا گرلز هاءِ اسڪول پاران ايڇ ايم خواجا آڊيٽوريم هال ۾ شاندار ثقافتي پروگرام منعقد ڪيو ويو.
تقريب ۾ شاگردياڻين پاران ثقافتي ٽيبلوز پيش ڪيا ويا…..
سيوهڻ گرلز ڊگري ڪاليج ۾ ثقافتي ڏهاڙي جي حوالي سان تقريب منعقد ڪئي وئي.
تقريب ۾ استادن ۽ شاگردياڻين وڏي انگ ۾ شرڪت ڪئي.
باڊهه ۾ جيئي سنڌ قومپرست پارٽي پاران ثقافتي مچ ڪچهري ڪوٺائي وئي.
تقريب ۾ شاعرن ۽ سگهڙن ڏور، بيت ۽ ڳجهارتون ٻڌائي واهه واهه ڪرائي ڇڏي.
ان موقعي تي اڳواڻن جو چوڻ هو ته سنڌ ٽي وي نيٽ ورڪ پاران 3 ڊسمبر سنڌ جي مظلوم نياڻين سان ساٿ جو وچن جي سري هيٺ ثقافتي ڏهاڙو ملهائڻ جي آجيان ڪيون ٿا.
غوثپور جي مين پرائمري اسڪول ۾ ثقافتي تقريب منعقد ڪئي وئي.
تقريب ۾ شاگردن ۽ شاگردياڻين قومي گيتن تي رقص ڪري خوب داد حاصل ڪيو.
ٽنڊي غلام حيدر هاءِ اسڪول ۾ ثقافتي تقريب ڪوٺائي وئي.
تقريب ۾ استادن، شاگردن ۽ والدين وڏي انگ ۾ شرڪت ڪئي.- Advertisement -
