بلاول ڀٽو پاران عوام کي سنڌي ثقافتي ڏهاڙي جون واڌايون

پيپلزپارٽي جي چيئرمين بلاول ڀٽو زرداري، سنڌ سميت سڄي ملڪ جي عوام کي سنڌي ثقافتي ڏهاڙي جون واڌايون ڏيندي چيو آهي ته ثقافت سندن معاشري جو حسن ۽ دنيا لاءِ سندن قومي ٻڌيءَ جو بي مثال ثبوت آهي، بامقصد ثقافتي سرگرميون سماج ۾ نفرت، ورهائڻ ۽ انتهاپسندي لاءِ موت آهن. جاري ڪيل پنهنجي بيان ۾ بلاول ڀٽو زرداري چيو ته سنڌ جي ثقافت دنيا جي قديم ۽ خوبصورت تهذيبن مان هڪ آهي، جنهن جو مرڪز موهن جو دڙو آهي. سندس چوڻ هو ته سنڌ جا ماڻهو تاريخي طور پرامن، ڀائيچارو پسند ۽ محب وطن هجڻ سان گڏو گڏ فن ۽ فطرت سان محبت ڪندڙ رهيا آهن. پ پ چيئرمين بلاول ڀٽو زرداري چيو ته ثقافت سندن معاشري جو حسن ۽ دنيا لاءِ سندن قومي ٻڌيءَ جو بي مثال ثبوت آهي، بامقصد ثقافتي سرگرميون سماج ۾ نفرت، ورهائڻ ۽ انتهاپسندي لاءِ موت آهن. هن چيو ته پاڪستان پيپلز پارٽي ملڪ جي سمورين ثقافتن کي برابري واري اهميت ۽ درجو ڏيڻ ۾ يقين رکي ٿي. پ پ چيئرمين بلاول ڀٽو زرداري جو چوڻ هو ته پنهنجي فخر جوڳي قديم تهذيب ۽ خوبصورت ثقافت کي دنيا ۾ عالمي سطح تي اجاگر ڪري پاڪستان جو هاڪاري چهرو پيش ڪرڻ پاڪستان پيپلزپارٽي جو منشور آهي………