سنڌ جي نگران وڏي وزير جسٽس رٽائرڊ مقبول باقر سنڌي قوم کي ثقافتي ڏهاڙي جون واڌايون ڏنيون آهن.
جاري ڪيل بيان ۾ جسٽس رٽائرڊ مقبول باقر چيو ته سنڌ جي ثقافت مهذب تهذيب ۽ روايتن جي امين آهي، سنڌ صوفي ازم جي ڌرتي آهي.
هن چيو ته سنڌ شاهه عبداللطيف ڀٽائي، لعل شهباز قلندر، سچل سرمست ۽ عبدالله شاهه غازي جهڙن عظيم هستين جي ڌرتي آهي، سنڌي ثقافت ۾ مهمان نوازي، ڀائيوارو، اخلاق ۽ محبت جي جذبن جو حسن سڀ کان مٿانهون آهي.
نگران وڏي وزير چيو ته اجرڪ جي رنگن جيان سنڌ جي ثقافت به دلڪش آهي، اڄوڪو ڏينهن نسل پرستي، انتهاپسندي ۽ هر قسم جي فرق خلاف محبت جو درس ڏي ٿو.
جسٽس رٽائرڊ مقبول باقر چيو ته سڄي دنيا ۾ رهندڙ سنڌين کي ثقافتي جي ڏهاڙي جون هو واڌايون ڏي ٿو.
