غزا ۾ اسرائيلي فوج  جي بمباري ۾ وڌيڪ 50 فلسطيني شهيد

غزا ۾ اسرائيلي فوج  جي بمباري ۾ وڌيڪ 50 فلسطيني شهيد ٿي ويا، جڏهن ته ٻن ڏينهن دوران  شهيد فلسطينين جو انگ 800 کان وڌيڪ  ٿي ويو آهي. خابرو اداري موجب اسرائيلي فوج غزا  تي حملن ۾ تيزي آڻي ڇڏي آهي. يهودي فوج غزا علائقي الدرج ۾ ٻن پناهگير اسڪولن تي بمباري ڪئي جنهن جي نتيجي ۾ 50 کان وڌيڪ فلسطيني شهيد ٿي ويا. اسرائيلي فوج جي ٻن ڏينهن دوران  بمباري ۾ 800 کان وڌيڪ فلسطيني شهيد ٿي چڪا آهن، اسرائيلي فوج 24 ڪلاڪن دوران حماس جي 400 ٿاڪن کي نشانو بنايو. يهودي فوج بيت لاحيه، خان يونس، شجاعيه ۽ رفح ۾ سوين فلسطينين جي پناهگاهن، گڏيل قومن جي اسڪول، واپاري مال ۽ رهائيشي بلاڪس تي بمباري ڪئي. اسرائيلي فوج سپريم ڪورٽ جي عمارت به تباهه ڪئي، اسپتال ۽ ايمبولينس کي به نشانو بڻايو. هوڏانهن حماس جو چوڻ آهي ته 24 ڪلاڪن دوران اسرائيلي فوج جون 28 گاڏيون تباه ڪيون ويون  آهن، يهودي فوج جي ٿاڪن، ٽينڪن کي ميزائلن ۽ مارٽر گولن سان نشانو بڻايو، جنهن  ۾ 8 اسرائيلي فوجي زخمي ٿي پيا آهن. لبنان جي سرحد تي به حزب الله سان چڪرين دوران 3 اسرائيلي فوجي زخمي ٿي پيا