پاڪستان وومين ڪرڪيٽ ٽيم پهريون ڀيرو نيوزيلينڊ خلاف ٽي ٽوئنٽي سيريز کٽي ورتي

پاڪستان وومين ڪرڪيٽ ٽيم پهريون ڀيرو نيوزيلينڊ خلاف ٽي ٽوئنٽي سيريز کٽي ورتي  آهي. پاڪستان ۽ نيوزيلينڊ جي وومين ٽيمن وچ ۾ کيڏيل ٽي ٽوئنٽي سيريز جي ٻي ميچ ۾ قومي ٽيم مقرر اوورن ۾ ڇهن وڪيٽن جي نقصان تي 137 رنسون ٺاهيون. پاڪستان طرفان منياب علي 35، عاليه رياض 32 ۽ بسمه معروف 21 رنسون ٺاهي نمايان رهيون. ڪيويز طرفان فران جونَس ۽ مولي پين فولڊ 2-2  وڪيٽون حاصل ڪيو. پاڪستان طرفان مليل  138 رنسن جي حدف جي جواب ۾ نيوزيلينڊ جي ٽيم مقرر اوورن ۾ ستن وڪيٽن جي نقصان تي 127 رنسون ٺاهي سگهي، ائين قومي ٽيم مسلسل ٻي ٽي ٽوئنٽي ۾ ڏهن رنسن تان ڪاميابي ماڻي سيريز پنهنجي نالي ڪري ورتي. ڪيويز طرفان هناح  33 ۽ پــِلمر  28 رنسون ٺاهي ناميان رهيون. پاڪستان طرفان فاطمه ثناءَ 3، سدرا اقبال 2 ۽ ندا ڊار هڪ وڪيٽ ورتي. عاليه رياض کي پليئر آف دي ميچ قرار ڏنو ويو.