خيرپور ۾ موٽر سائيڪل سوار هٿياربندن جي فائرنگ ۾ زخمي، طبي امداد لاءِ سول اسپتال منتقل

خيرپور ۾ موٽر سائيڪل سوار هٿياربندن جي فائرنگ ۾ زخمي ٿي پيو جنهن کي طبي امداد لاءِ سول اسپتال منتقل ڪيو ويو آهي. بي سيڪشن ٿاڻي جي حد مل ڪالوني ۾ ٽن هٿياربندن جي فائرنگ ۾ وڪيل الياس ڪڙيو سخت زخمي ٿي پيو. زخمي وڪيل کي ڳڻتي جوڳي حالت ۾ سول اسپتال آندو ويو جتي کيس طبي امداد ڏني وئي. زخمي وڪيل جي وارثن جو چوڻ آهي ته الياس ڪڙيو گهر کان بازار وڃي رهيو هو ته ٽن هٿياربندن مٿس فائرنگ ڪئي. وارثن جو چوڻ آهي ته سندن ڪنهن سان ڪابه دشمني نه آهي، واقعي جي جاچ ڪري جوابدارن کي گرفتار ڪيو وڃي.