ايندڙ مهيني مهانگائيءَ ماريل غريب عوام تي هڪ ڀيرو ٻيهر پيٽرول بم ڪيرائڻ جو امڪان

ايندڙ مهيني مهانگائيءَ ماريل غريب عوام تي هڪ ڀيرو ٻيهر پيٽرول بم ڪيرائڻ جو امڪان آهي.

16 آگسٽ 2023ع کان ڊالر جي ملهه ۾ اضافي جي شرح سان ناڻي جي مٽاسٽا ۾ 12 پرين جو فرق پيو آهي ۽ ان سان گڏ ئي عالمي منڊي ۾ پيٽروليم شين جي قيمتن ۾ واڌ ٿي رهي آهي.

امڪان آهي ته آئل اينڊ گيس ريگوليٽري اٿارٽي پهرين سيپٽمبر کان شروع ٿيندڙ ايندڙ 15 ڏينهن لاءِ پيٽروليم شين جي اگهن ۾ 12 رپيا پيٽرول في لٽر ۽ ڊيزل ۾ اگهه ۾ 14 رپيا  83 پيسا في لٽر اضافي جي تجويز ڪندي.

آءِ ايم ايف جا شرط پورا نه ٿيا ته اربين ڊالرن جو قرض خطري ۾ پئجي ويندو جنهن سان عوام کي مهانگائي جي طوفان کي منهن ڏيڻو پوندو ۽ جيئڻ جنجال ٿي ويندو.