ڄامشوري جي لياقت ميڊيڪل يونيورسٽي جي ملازمن پاران ٻئي ڏهاڙي به مطالبن جي مڃتا لاءِ  احتجاج

ڄامشوري جي لياقت ميڊيڪل يونيورسٽي جي ملازمن پاران ٻئي ڏهاڙي به مطالبن جي مڃتا لاءِ  احتجاجي مظاهرو ڪري  ڌرڻو هنيو ويو. ملازمن پاران سعيد احمد لاشاري، مخدوم اشفاق، نياز چانڊيو، واجد خاصخيلي، اشفاق راڄپر ۽ ٻين جي اڳواڻي ۾ اي سي ٽو بلڊن آڏو احتجاجي مظاهرو ڪري ڌرڻو هنيو ويو. اڳواڻن جو چوڻ آهي ته لياقت ميڊيڪل يونيورسٽي جي ملازمن جا مطالبا جائز آهن پر انتظاميه حل ڪرڻ لاءِ تيار ناهي. هنن اعليٰ اختيارين کان مطالبو ڪيو ته معاملي جو نوٽيس وٺي ملازمن جا جائز مطالبا تسليم ڪري بيچيني ختم ڪئي وڃي.