غزه جي اسپتالن ۾ باهه ۽ رت جي راند ڏسڻ نٿو چاهي : آمريڪا

آمريڪا اسرائيل کي خبردار ڪيو آهي ته هـُو غزه جي اسپتالن ۾ باهه ۽ رت جي راند ڏسڻ نٿو چاهي. آمريڪي ٽي وي جي پروگرام ۾ ڳالهائيندي امريڪي قومي سلامتي بابت ترجمان جڪ سليوان چيو ته آمريڪا اسرائيلي فورسز تي واضح ڪري ڇڏيو آهي ته هو غزه جي اسپتالن اندر هٿيارن سان ويڙهه کان پاسو ڪن، جنهن سان عام شهرين جي زندگين کي خطرو ٿي سگهي ٿو. هن چيو ته اسرائيل کي واضح پيغام ڏنو آهي ته آمريڪا غزه جي اسپتالن ۾ علاج هيٺ معصوم شهرين ۽ مريضن کي گولين جو شڪار ٿيندي ڏسڻ نٿو چاهي.