ورلڊ ڪپ ۾ شڪست کانپوءِ بابر اعظم جي ڪپتاني کي پهريون ڌڪ، بورڊ اهم فيصلو ڪري ورتو

پاڪستان ڪرڪيٽ بورڊ ٽي 20 ورلڊ ڪپ ۾ ڪپتان جي ناقص ڪارڪردگي کانپوءِ بنگلاديش خلاف ٻن ٽيسٽ سيريز ۾ بابر اعظم کي ڪپتاني تان هٽائڻ جو فيصلو ڪيو آهي. پي سي بي چيئرمين محسن نقوي 7 رڪني سليڪشن ڪميٽي جي سفارش تي شاهين آفريدي جي جاءِ تي بابر اعظم کي ٽي 20 ٽيم جي قيادت سونپي ۽ کيس 2025ع جي چيمپئنز ٽرافي تائين وائيٽ بال ٽيم جي قيادت سونپي هئي. اها اميد ظاهر ڪئي وئي هئي ته بورڊ بابر اعظم کي بنگلاديش خلاف 2 ٽيسٽ سيريز ۾ قيادت ڏيڻ جو ارادو رکي ٿو ڇو ته 2 ٽيسٽ سيريز آئي سي سي ٽيسٽ چيمپيئن شپ جو حصو آهن. جڏهن ته ورلڊ ڪپ ۾ خراب ڪارڪردگي کانپوءِ هاڻي بورڊ ٽيسٽ ٽيم جي قيادت لاءِ بابر اعظم جي نالي تي غور ڪرڻ بدران شان مسعود تي اعتماد ڪرڻ جو فيصلو ڪيو آهي. ٻڌايو پيو وڃي ته شان مسعود سان گڏ آسٽريلوي ٽيسٽ فاسٽ بالر جيسن گلسپي به ٽيسٽ ٽيم جو ڪوچ هوندو….