پ پ ايم اين اي خالد لنڊ جو پٽ ۽ ميونسپل ڪميٽي ميرپور ماٿيلي جو چيئرمين شهباز لنڊ شهيد نصرالله گڏاڻي جي امڙ جي مطالبي تي معطل

پ پ ايم اين اي خالد لنڊ جي پٽ ۽ ميونسپل ڪميٽي ميرپور ماٿيلي جي چيئرمين شهباز لنڊ کي شهيد صحافي نصرالله گڏاڻي جي امڙ جي مطالبي تي معطل ڪيو ويو. شهيد صحافي نصرالله گڏاڻي جي امڙ پٺاڻي جي وڏي وزير سيد مراد علي شاهه سان وزيراعليٰ هائوس ڪراچي ۾ ملاقات  ٿي. نصرالله گڏاڻي جي امڙ  وڏي وزير مراد علي شاهه کي پٽ جي خون سان انصاف ڪرڻ جي اپيل ڪئي. شهيد نصرالله گڏاڻي  جي امڙ جي مطالبي تي ميونسپل ڪميٽي ميرپور ماٿيلي جي چيئرمين شهباز لنڊ کي هٽايو ويو. مڪاني کاتي طرفان ميرپور ماٿيلي جي چيئرمين شهباز لنڊ کي هٽائڻ جو نوٽيفڪيشن جاري ڪيو ويو. هڪ ڏينهن اڳ شهيد صحافي نصرالله گڏاڻي جي قاتلن جي گرفتاري لاءِ قلم ڌڻين ۽ سياسي سماجي تنظيمن جي اڳواڻن سي ايم هائوس ڀرسان ڌرڻو هنيو هو. ڌرڻي دوران نصرالله گڏاڻي جي امڙ ايم اين اي خالد لنڊ ۽ شهباز لنڊ کي هٽائڻ جو مطالبو ڪيو هو.