- Advertisement -
پ پ اڳواڻ سيد خورشيد شاهه سنڌو درياهه جي ٻنهي پاسي 5 کان 10 لک وڻ پوکڻ جي هدايت ڪئي آهي.
سيد خورشيد شاهه جي صدارت هيٺ سکر ۾ وڻڪاري ۽ گرين بيلٽ قائم ڪرڻ بابت اجلاس ٿيو، جنهن ۾ خورشيد شاهه هدايت ڪئي ته آبپاشي کاتي سان رابطو ڪري سنڌوءَ جي ٻنهي پاسي وڻ لڳايا وڃن.
سندس چوڻ هو ته سکر ۾ وڻڪاريءَ ٿرڊ پارٽيءَ کي به دعوت ڏني وڃي، ڊپٽي ڪمشنر سمورن زميندارن، آبادگارن جي لسٽ ٺاهن ۽ کين وڻڪاريءَ لاءِ پابند ڪن.
پ پ ايم اين اي چيو ته دنيا ۾ وڻ ڪاٽڻ تي سزائون مقرر آهن، پر هت هر ڪو پنهنجي مرضيءَ سان وڻ وڍي ڇڏي ٿو، وڻن جي واڍيءَ سان سکر ۾ ڏينهون ڏينهن جر جو پاڻي کارو ٿيندو پيو وڃي.
سيد خورشيد شاهه چيو ته ڪٿي وڻ وڍڻ ضروري هجي ته ان لاءِ ڊپٽي ڪمشنر جي اجازت سان مشروط ڪيو وڃي.
هن چيو ته صحت مند ماحول لاءِ وڻڪاري تمام ضروري آهي، جيڪڏهن تعليم صحت سميت ٻين شعبن کي بهتر ڪرڻو آهي ته ماحول بهتر بڻائڻو پوندو.
سيد خورشيد شاهه چيو ته ميونسپل ڪارپوريشن جا ملازم حاضري يقيني بڻائن، اهي ڪروڙي رپيا پگهار کڻي رهيا آهن- Advertisement -
