دوداپور ڀرسان ٻن شاخن کي ٽن هنڌن تان گهارا لڳڻ ڪري فصل پاڻي هيٺ اچي ويا

دوداپور ڀرسان ٻن شاخن کي ٽن هنڌن تان گهارا لڳڻ ڪري فصل پاڻي هيٺ اچي ويا. ڪوٽڙي شاخ ۽سالارشاخ کي ٻن هنڌن تي گهارا پئجي ويا، جنهن ڪري فصل ٻڏي ويو، گهاري جو پاڻي ڳوٺن طرف وڌي رهيو آهي. ڳوٺاڻن موجب سالار شاخ کي ڳوٺ حاتم کوسو وٽان 20، 20  فوٽن جا 2 گهارا لڳا آهن، ڪوٽڙي شاخ کي ڳوٺ رندو ملغاڻي وٽان 15 فوٽن جو گهارو پئجي ويو آهي. ڳوٺاڻا پنهنجي مدد پاڻ تحت ٻنهي شاخن جا گهارا بند ڪرڻ ۾ مصروف آهن، جڏهن ته اطلاع باوجود آبپاشي عملو نه پهتو. ڳوٺاڻن موجب پاڻي جي دٻاءُ سبب بيگاري ڪئنال، تاجا شاخ، لعل شهباز شاخ، گُل شاخ ۽ ڪوٽڙي شاخ ۽ ٻيون شاخون اووٽاپ تي وهي رهيون آهن. بيگاري ڪئنال کي ڳوٺ جعفرآباد ڀرسان لڳل روڻيون به بند نه ٿي سگهيو آهن…