يوڪرين جي صدر ولودي مير زيلنسڪي روس سان جنگ ختم ڪرڻ جي حمايت

يوڪرين جي صدر ولودي مير زيلنسڪي روس سان جنگ ختم ڪرڻ جي حمايت ڪري ڇڏي. برطانوي نشرياتي اداري جي رپورٽ موجب، يوڪريني صدر پنهنجي هڪ بيان ۾ ۾چيو ته اميد آهي ته ڊونلڊ ٽرمپ طرفان امريڪي صدارت سنڀالڻ تي يوڪري جنگ ختم ٿي ويندي ۽ نئين امريڪي انتظاميا يقيني بڻائيندي ته جنگ ختم ٿي ويندي. زيلنسڪي چيو ته هن ٽرمپ سان امريڪي صدارتي چونڊن ۾ ڪاميابي کانپوءِ ٽيليفونڪ ڳالهه ٻولهه دوران روس خلاف جنگ جي حوالي سان خيالن جي ڏي وٺ ڪئي هئي. ياد رهي ته روس ۽ يوڪرين وچ ۾ گذريل ٻن سالن کان جنگ جاري آهي، جنهن ۾ يوڪرين کي آمريڪا جي حمايت حاصل آهي، ان جنگ ۾ يوڪرين جي مختلف علائقن کي نشانو بڻايو ويو آهي ۽ ڪيتريون ئي انساني جانيون ضايع ٿي چڪيون آهن.