زرعي يونيورسٽي جي عورت پروفيسر پاران پروفيسر مٿان هيسائڻ جو الزام

زرعي يونيورسٽي ٽنڊوڄام جي عورت پروفيسر پاران پنهنجي ئي درسگاهه جي پروفيسر مٿان هيسائڻ جو الزام هنيو ويو آهي. ايسوسيئيٽ پروفيسر شبانه سرتاج تنيو وي سي کي پروفيسر امان الله تنيو خلاف درخواست جمع ڪرائي جڏهن ته وائيس چانسلر معاملو رجسٽرار حوالي ڪري ڇڏيو. پروفيسر شبانه سرتاج تنيو جو چوڻ آهي ته رجسٽرار سندس درخواست تي ڪارروائي ڪرڻ بدران کيس هيسائي ۽ دٻائي رھيو آھي. سندس چوڻ هو ته معاملو سوشل ميڊيا تي آڻڻ تي رجسٽرار ڪارروائي ڪرڻ بدران ڪن لاٽار ڪري رهيو آهي هن مطالبو ڪيو ته اعليٰ اختيارين کان مطالبو ڪيو ته کيس هيسائيندڙ پروفيسر خلاف ڪارروائي ڪري انصاف فراهم ڪيو وڃي.