ڏکيون حالتون سامهون هجن ته قسم نامو پڙهجي، انشاءَ الله بهتري ايندي : جسٽس منصور علي شاهه

سپريم ڪورٽ جي سينيئر ترين جج جسٽس منصور علي شاهه چيو آهي ته ڏکيون حالتون سامهون هجن ته قسم نامو پڙهجي، انشاءَ الله بهتري ايندي. ڪراچي بار کي خطاب ڪندي جسٽس منصور علي شاهه چيو ته هو سينيئر جج آهي، قسم نالو رڳو لفظ ناهن هوندا، وڌيڪ معنيٰ رکن ٿا، قسم ٻڌائي ٿو ته ڏکين حالتن کي ڪيئن منهن ڏيڻو آهي. هن چيو ته قسم مقدس واعدو آهي، ان کي ٽوڙڻو ناهي، قسم تي عمل ڪيو وڃي ته سمورا مسئلا حل ٿي ويندا. جسٽس منصور علي شاهه چيو ته ماڻهن جو دفاع ڪرڻ بهادريءَ جو ڪم آهي، دٻاءُ به ايندو، لالچ به ڏني ويندي پر قسم تي عمل ڪرڻو آهي. سنڌ بار آمد تي جسٽس منصور علي شاهه کي سنڌ جي سوکڙي ٽوپي ۽ اجرڪ پڻ پارايو ويو.