پاڪستان سميت سڄي دنيا ۾ پاڻي جو عالمي ڏينهن ملهايو پيو وڃي

پاڪستان سميت سڄي دنيا ۾ پاڻي جو عالمي ڏينهن ملهايو پيو وڃي، پاڪستان پاڻي جي شديد کوٽ کي منهن ڏيندڙ ملڪن جي فهرست ۾ ٽئين نمبر تي اچي ويو آهي. پاڪستان پاڻي جي سخت کوٽ کي منهن ڏيندڙ ملڪن جي فهرست ۾ ٽئين نمبر تي اچي ويو، جيڪڏهن صورتحال اهڙي طرح جاري رهي ته 2025 جي آخر تائين پاڻي جي مڪمل کوٽ وارو ملڪ بڻجي ويندو. پاڪستان ٺهڻ وقت ملڪ ۾ پاڻي جي دستيابي في ماڻهو پنج هزار ڪيوبڪ ميٽر هئي، جيڪا اڄ هڪ هزار ڪيوبڪ ميٽر کان به هيٺ ٿي وئي آهي. دنيا ۾ پاڻي ذخيرو ڪرڻ جي سراسري شرح 40 سيڪڙو آهي ۽ پاڪستان پنهنجي دريائي پاڻي جو صرف 10 سيڪڙو ذخيرو ڪرڻ جي قابل آهي. دريائي پاڻي جي کوٽ سبب زراعت زميني پاڻي تي تمام گهڻي انحصار ڪري ٿي، جيڪو بي ترتيب استعمال ڪيو پيو وڃي. هڪ رپورٽ موجب زمين مان جيڪو پاڻي ڪڍيو وڃي ٿو ان مان تمام گهٽ واپس ڪيو ويندو آهي، جنهن سبب پاڻي واپس ڪرڻ جي لحاظ کان پاڪستان دنيا ۾ 164 هين نمبر تي آهي. ملڪ جي وڏن شهرن ۾ به پاڻي جي کوٽ وڌي رهي آهي، جنهن ۾ لاهور پڻ شامل آهي، جڏهن ته زمين مان پيئڻ جو پاڻي ڪڍڻ لاءِ هڪ بور هول جيڪو 30 سال اڳ 200 فوٽ کوٽڻو پوندو هو، هاڻي 800 فوٽ تائين کوٽڻو پوي ٿو، جنهن سبب صورتحال انتهائي سنگين ٿي چڪي آهي.