آءِ ايم ايف نئين قرض پروگرام لاءِ پاڪستان کان ڊو مور جو مطالبو ڪيو

آءِ ايم ايف نئين قرض پروگرام لاءِ پاڪستان کان ڊو مور جو مطالبو ڪيو آهي. ذريعن موجب آءِ ايم ايف پاڪستاني اختيارين سان نئين بجيٽ ۾ امپورٽ تي پابندي گهٽائڻ، ايڪسپورٽ شعبي کي ملندڙ سبسڊي ختم ڪرڻ ۽ امپورٽ تي ڊيوٽيز گهٽائڻ جو مطالبو ڪيو آهي. آءِ ايم ايف زور ڀريو ته امپورٽ تي پابنديون مرحليوار ختم ڪيون وڃن. ذريعن موجب ناڻي واري وزارت امپورٽ تي لاڳو ڊيوٽين ۾ گهٽتائي تي اتفاق ڪري ورتو آهي، واپار واري وزارت ٽيرف ۾ گهٽتائي واري فيصلي ۾ مقامي صنعت جي تحفظ تي زور ڀريو. واپار واري وزارت جو چوڻ هو ته ٽيرف ۾ گهٽتائي جو فيصلو مقامي مارڪيٽ جي تحفظ کي نظر ۾ رکندي ڪرڻ گهرجي. وزارت امپورٽ تي لاڳو پابندي مڪمل طور تي ختم ڪرڻ جي مخالفت ڪئي.