اسرائيلي فوج جا غزه تي حملا جاري ، گذريل 24 ڪلاڪن دوران وڌيڪ 40 فلسطيني شهيد ۽ 66 زخمي

اسرائيلي فوج جا غزه تي حملا جاري آهن، گذريل 24 ڪلاڪن دوران وڌيڪ 40 فلسطيني شهيد ۽ 66 زخمي ٿيا آهن. عرب ميڊيا جو چوڻ آهي ته اسرئيلي حملن ۾ شهيدن جو انگ 34 هزار 488 ٿي ويو جڏهن ته 77 هزار 643 ماڻهو زخمي ٿي چڪا آهن. ٻئي پاسي غزه ۾ جنگ بندي معاهدي لاءِ ڪوششون جاري آهن، حماس جو وفد اڄ قاهره پهچندو. هوڏانهن امريڪي پرڏيهي وزير سعدوي عرب جي راڄڌاني رياض ۾ سعودي ولي عهد ۽ سعودي پرڏيهي وزير سان ڌار ڌار ملاقاتون آڪون آهن جنهن دوران اسرائيل-حماس جنگ تي ڳالهيون ڪيون ويون. امريڪي صدر جو بائيڊن به قطر جي امير شيخ تميم بن حمد سان ٽيليفونڪ رابطو ڪري غزه ۽ ٻين فلسطيني علائقن جي صورتحال تي تفصيلي ڳالهه ٻولهه ڪئي.