- Advertisement -
اسرائيلي فوج جا فلسطينين تي ظلم جاري آهن، گذريل 24 ڪلاڪن دوران نسل ڪش حملن ۾ وڌيڪ 46 فلسطيني شهيد ۽ 130 زخمي ٿي ويا آهن.
عرب ميڊيا جو چوڻ آهي ته 7 آڪٽوبر کان اسرائيلي حملن ۾ شهيد فلسطينين جو مجموعي انگ 35 هزار 903 تائين پهچي ويو آهي.
عرب ميڊيا موجب، يهودي فوج جو نصيرات پناهگير ڪيمپ تي حملو ڪيو جنهن ۾ شهادتن جا اطلاع آهن.
ٻئي پاسي القسام بريگيڊ جباليه ۾ ٻن اسرائيلي ٽينڪن کي نشانو بڻائڻ جي دعوى ڪئي آهي.
حماس ترجمان جو چوڻ آهي ته جباليه ڪيمپ جي سرنگهه ۾ داخل ٿيندڙ فوجين تي حملو ڪيو جنهن ۾ ڪيترائي اسرائيلي فوجي مارجي ويا ۽ ڪجهه کي گرفتار ڪيو ويو.
هوڏانهن اسرائيلي فوج اسرائيلي فوجين کي مارڻ ۽ گرفتار ڪرڻ جي دعوائن جي ترديد ڪئي آهي- Advertisement -
