ايراني صدر مسعود پزشڪيان جي سڀاڻي پاڪستان جي دوري جو امڪان

ايراني صدر مسعود پزشڪيان طرفان سڀاڻي پاڪستان جي هڪ ڏينهن جي دوري تي اسلام آباد آمد جو امڪان آهي، جنهن دوران هو صدر آصف علي زرداري ۽ وزيراعظم شهباز شريف سان ملاقاتون ڪندو. ايراني صدر مسعود پزشڪيان طرفان سڀاڻي پاڪستان جي هڪ ڏينهن جي دوري تي اسلام آباد آمد جو امڪان آهي. ريڊ زون ۾ ايراني صدر جي دوري بابت تياريون جاري آهن، ٻنهي ملڪن جا جهنڊا لڳايا پيا وڃن. سي ڊي اي جو عملو ريڊ زون ۾ سجاوٽ ۾ رڌل آهي، جڏهن ته سڪيورٽي جي به غير معمولي انتظامن جو سلسلو جاري آهي. ذريعن جو چوڻ آهي ته ايراني صدر مسعود پزشڪيان دوري دوران صدر آصف علي زرداري ۽ وزيراعظم شهباز شريف سان ملاقاتون ڪندو. ذريعن موجب، ملاقاتن ۾ ايران ۽ آمريڪا ڳالهين سميت خطي جي صورتحال ۽ ٻه طرفي لاڳاپن بابت خيالن جي ڏي وٺ ٿيندي………