جسٽس فائز عيسى عدليه جي عزت بحال ڪئي، هو با عزت طريقي سان رٽائر ٿي رهيو آهي : خواجا آصف

بچاءَ واري وزير خواجا آصف چيو آهي ته جسٽس فائز عيسى عدليه جي عزت بحال ڪئي، هو با عزت طريقي سان رٽائر ٿي رهيو آهي. قومي اسيمبلي اجلاس ۾ خيالن جو اظهار ڪندي خواجا آصف چيو ته هتي آيل 4 ميمبرن پي ٽي آءِ جي ٽڪيٽ تي اليڪشن نه وڙهي هئي، هو آزاد حيثيت ۾ اليڪشن وڙهي هتي پهتا آهن. سندس چوڻ هو ته جيڪي لفظ ادا ڪيا ويا انهن کي ڪجهه ته شرم، حيا ۽ احساس هجڻ گھرجي، وقت سان گڏ پارٽيون تبديل ڪندڙ انسانن جا ضمير نه بدلجڻ گھرجن. هن وڌيڪ چيو ته گذريل ڪجهه سالن کان عدليه ۾ جيڪو جهيڙو هلي رهيو آهي اهو صرف هڪ گروهه جي اجارداري لاءِ آهي، کين عدليه کي آزاد ڪرڻو هو پر ايترو نه ته اها اسان جي آزادي ئي کسي وڃي.