جنگ بندي معاهدي لاءِ حماس پنهنجي شرطن تي قائم آهي : اسماعيل هانيه

فلسطين جي مزاحمتي تنظيم حماس جي اڳواڻ اسماعيل هانيه چيو آهي ته جنگ بندي معاهدي لاءِ حماس پنهنجي شرطن تي قائم آهي. حماس اڳواڻ جو چوڻ آهي ته غزه ۾ مستقل جنگ بندي، اسرائيلي فوج جو شهر مان نڪرڻ، غزه جي سمورن بي گهر فلسطينين جي سندن گهرن ڏانهن واپسي ۽ غزه ۾ انساني امداد جي ضرورتن موجب گهرن کي واپسي ۽ غزه ۾ انساني امداد جون ضرورتن موجب فراهمي سندن مطالبن ۾شامل آهي. هن چيو ته غزه جو محاصرو ختم ڪري قيدين جي با عزت طريقي سان آزادي جو معاهدو ڪيو وڃي. خيال رهي ته مصر ۽ قطر جي ٽياڪڙي ۾ غزه ۾ جنگ بندي معاهدي جون ڪوششون جاري آهن، گذريل اڱاري تي اسرائيلي وفد پنهنجيون تجويزون مصري عملدارن حوالي ڪيون هيون.