حيدرآباد ۾ وڪيلن وارو مسئلو ايترو وڏو ناهي، پر پوليس پنهنجي انا جي ڪري معاملي کي وڌائي ڇڏيو آهي:ڊاڪٽر نياز ڪالاڻي

جسقم اڳواڻ ڊاڪٽر نياز ڪالاڻي چيو آهي ته حيدرآباد ۾ وڪيلن وارو مسئلو ايترو وڏو ناهي، پر پوليس پنهنجي انا جي ڪري معاملي کي وڌائي ڇڏيو آهي. خانپورمهر ۾ پريس ڪانفرنس ڪندي جسقم اڳواڻ ڊاڪٽر نياز ڪالاڻي چيو ته هو احتجاج ۾ ايس ايس پي خلاف احتجاج ڪندڙ وڪيلن جي ڀرپور حمايت ڪن ٿا. نياز ڪالاڻي چيو ته هي ڪو ايڏو وڏو مسئلو ناهي، پوليس کي رڳو پنهنجي انا کي هڪ پاسي رکڻو پوندو. هن چيو ته حڪومت کان گهر ٿا ڪريون ته وڪيلن پاران ايس ايس پي کي هٽائڻ واري مطالي تي عمل ڪيو وڃي نياز ڪالاڻي وڌيڪ چيو ته سنڌو درياهه تي 6 نوان ڪينال سنڌو درياهه تي ڌاڙو هڻڻ برابر آهي، ڪينال ٺاهيا ويا ته پوءِ سنڌ کي پاڻي جو ڦڙو به نه ملندو. هن چيو ته سنڌ ۾ امن امان قائم ڪرڻ حڪومت جي ذميواري آهي، سنڌ حڪومت چاهي ته پريا ڪماري اڌ ڪلاڪ ۾ بازياب ٿي سگهي ٿي. نياز ڪالاڻي چيو ته گهوٽڪي ضلعو پاڪستان جو سڀ کان وڌيڪ گيس ڏيندڙ ضلعو آهي، پر هتان جا مقامي ماڻهو گيس جي سهولت کان محروم آهن .