خانپور ويجهو ڪار سوارن کان ڦرلٽ، واقعي خلاف متاثرن پاران احتجاج

خانپور ويجهو ڏوهارين ڪارسوارن کي هٿيارن جي زور تي يرغمال بڻائي ڦرلٽ  ڪئي، واقعي خلاف متاثرن پاران احتجاجي مظاهرو ڪيو ويو. انڊس هاءِ وي تي فيضو اسٽاپ وٽ ڌاڙيلن  هٿيارن جي زور تي ڪار کي روڪي مسافرن کان روڪ رقم ۽ ٻيو سامان ڦر ڪري ويا. متاثرن پاران واقعي خلاف انڊس هاءِ وي تي احتجاجي مظاهرو ڪري ڌرڻو هنيو ويو. مظاهرين چيو ته  هو ڳوٺ کان سکر  مريض کي علاج لاءِ وٺي  وڃي رهيا هئا ڌاڙيلن هٿيارن جي زور تي هزارين رپيا روڪ رقم، موبائيل فون ۽ ٻيو سامان ڦر ڪري فرار ٿي ويا. هنن اعليٰ اختيارين کان مطالبو ڪيو ته معاملي جو نوٽيس وٺي جوابدارن کي گرفتار ڪري ڦر ٿيل رقم ۽ ٻيو سامان واپس ڪرايو وڃي…..