سنڌ ۾ غيرقانوني طور ترسيل پرڏيهين کي  جلد ڊي پورٽ ڪيو وڃي: آءِ جي سنڌ

آءِ جي سنڌ رفعت مختار چيو آهي ته سنڌ ۾ غيرقانوني طور ترسيل پرڏيهين کي  جلد ڊي پورٽ ڪيو وڃي، ان بابت حڪومت کي سفارشون به ڏيندا.

ڪراچي ۾  آءِ جي سنڌ رفعت مختار جي صدارت هيٺ امن امان بابت اجلاس ٿيو.

اجلاس ۾ ايڊيشنل آءِ جي ڪراچي خادم حسين رند ۽ ٻين شرڪت ڪئي.

اجلاس دوران ڪراچي ۾ ڏوهن خلاف کنيل قدمن تي بريفنگ ڏني وئي.

ان موقعي تي ڳالهائيندي آءِ جي سنڌ چيو ته غيرقانوني طور ترسيل پرڏيهين کي جلد ڊي پورٽ ڪيو وڃي.

هن چيو ته غيرقانوني طور ترسيل پرڏيهين بابت حڪومت کي سفارشون ڏين پيا.

سندس چوڻ هو ته غيرقانوني طور ترسيلن لاءِ هولڊنگ سينٽر مختص ڪرڻ جي سفارش ڪئي آهي.

هن چيو ته اسٽريٽ ڪرمنلن خلاف جنگ جو اعلان ڪيو آهي.