قومي سلامتي جو صلاحڪار سٺو ڪم ڪري رهيو آهي، کيس معافي وٺڻ جي ضرورت ناهي :ڊونلڊ ٽرمپ

امريڪي صدر ڊونلڊ ٽرمپ چيو آهي ته قومي سلامتي جو صلاحڪار سٺو ڪم ڪري رهيو آهي، کيس معافي وٺڻ جي ضرورت ناهي. ڊونلڊ ٽرمپ چيو ته روس ۽ يوڪرين سمنڊ ۾ جنگ بندي تي متفق آهن، يوڪرين معاملي تي اڳڀرائي ٿي آهي. امريڪي صدر چيو ته وچ اوڀر جي معاملي تي اڳڀرائي ٿي رهي آهي، يمن تي حملي بابت چيٽ ۾ ڳجهي ڄاڻ نه هئي. ياد رهي ته آمريڪي صدر ٽرمپ چيو هو ته سرڪاري ملازمن جو انگ جلد گھٽايو ويندو، عوامي رد عمل ڪهڙو به هجي ملازمن جي تعداد ۾ گھٽتائي اڻٽر آهي. ڊونلڊ ٽرمپ جي صدارت هيٺ ڪابينا جو اجلاس ٿيو هو جنهن ۾ تعليم کاتي کي ختم ڪرڻ ۽ سرڪاري عملي کي گهٽائڻ جي ڳالهه ٻولهه ٿي، آمريڪا مان نيڪالي ڏنل مهاجرن جي مسئلي تي پڻ بحث ڪيو ويو.