- Advertisement -
وزيراعظم شهبازشريف ٽيڪس نه ڏيندڙن ۽ ٽيڪس چورن خلاف هنگامي بنيادن تي قدم کڻڻ جو فيصلو ڪيو آهي.
وزيراعظم جي صدارت هيٺ ٽريڪ اينڊ ٽريس سسٽم بابت اجلاس ٿيو، جنهن ۾ وفاقي وزير محمد اورنگزيب، احد چيما، جهانزيب خان، ايف بي آر چيئرمين ملڪ امجد زبير ۽ ٻين لاڳاپيل عملدارن شرڪت ڪئي.
وزيراعظم ٽريڪ اينڊ ٽريس سسٽم جي راهه ۾ رنڊڪن جي نشاندهي ۽ ذميوارن جو پتو لڳائڻ لاءِ انڪوائري ڪميٽي جوڙڻ جي هدايت ڪئي.
انڪوائري ڪميٽي ستن ڏينهن اندر ٽريڪ اينڊ ٽريس سسٽم جي مڪمل فعال ٿيڻ جي راهه ۾ رنڊڪن ۽ ٽيڪس چوري ۾ ملوث ماڻهن جي نشاندهي ڪندي.
وزيراعظم جو چوڻ هو ته ڪميٽي ڪارخانن ۾ ٽيڪس جي خودڪار نظام لاءِ ايندڙ حڪمت عملي بابت تجويزون ڏيندي.
شهبازشريف چيو ته تماڪ، کنڊ، سيمينٽ ۽ ڀاڻ جي صعنت ۾ ٻن ورهين دوران ٽريڪ اينڊ ٽريس سسٽم بحال ٿيڻ گهرجي ها، انهن چئني شعبن کانسواءِ ٻين اهم شعبن ۾ به ٽريڪ اينڊ ٽريس سسٽم لڳايو وڃي.
وزيراعظم چيو ته ٽريڪ اينڊ ٽريس سسٽم لاڳو ڪرڻ ۾سموريون رنڊڪون ختم ڪيون وڃن.
هوڏانهن وزيراعظم جي صدارت هيٺ ايف بي آر ٽيڪس نيٽ کي وسيع ۽ ريٽيلرز اسڪيم تي به اجلاس ٿيو، جنهن ۾ ناڻي واري وفاقي وزير محمد اورنگزيب، ناڻي واري سيڪريٽري ۽ ايف بي آر عملدارن کيس بريفنگ ڏني.
ناڻي واري وزير، شهبازشريف کي ريٽيلرز لاءِ لانچ ڪيل اسڪيم بابت آگاهه ڪيو.
وزيراعظم معاشي ٽيم کي ٽيڪس نيٽ وسيع ۽ ريٽيلرز جي رجسٽريشن مڪمل ڪرڻ جي هدايت ڪئي………..- Advertisement -
