پ پ چيئرمين بلاول ڀٽو زرداري ۽ وفاقي گهرو وزير محسن نقوي جي مولانا فضل الرحمان سان ڊگهي ملاقات

آئيني ترميم منظور ٿيڻ يا نه ٿيڻ وچ ۾ جي يو آءِ سربراهه مولانا فضل الرحمان فيصلائتو ڪردار بڻجي ويو. پ پ چيئرمين بلاول ڀٽو زرداري ۽ وفاقي گهرو وزير محسن نقوي رات دير سان مولانا فضل الرحمان سان ڊگهي ملاقات ڪئي. اڳواڻن آئيني ترميم بابت مشاورت ڪئي، ملاقات بعد بلاول ڀٽو زرداري وڪٽري جو نشانو ٺاهي روانو ٿي ويو. ذريعن موجب بلاول ڀٽو زرداري ۽ محسن نقوي طرفان فضل الرحمان سان اڄ ٿيندڙ آئيني ترميمن لاءِ سهڪار گهريو ويو، جنهن تي مولانا فضل الرحمان سوچ ويچار لاءِ وقت گهري ورتو. ان کان اڳ قانون واري وفاقي وزير اعظم نذير تارڙ جي اڳواڻيءَ ۾ حڪومتي وفد مولانا  فضل الرحمان سان ملاقات ڪئي هئي، مولانا فضل الرحمان آئيني ترميم لاءِ پنهنجي تجويز پيش ڪئي هئي.