گلين ميڪسويل جو چوڻ هو ته سن رائرز حيدرآباد خلاف ميچ جي لاءِ پاڻ ڊراپ ٿيڻ جو چيو، مان پنهنجي ڪارڪردگي سان رائل چئلينجز بئنگلور جي ٽيم ۾ حصو نه وجهي رهيو آهيا ۽ اهو هڪ بهترين وقت آهي ته مان دماغي ۽ جسماني طور تي هڪ بريڪ وٺان.
آسٽريلوي ڪرڪيٽر وڌيڪ چيو ته مان 6 مهينن ۾ ڪجهه سٺو نه ڪري سگهيس جيڪو مايوس ڪندڙ آهي، دماغي ۽ جسماني طور تي مضبوط ٿيڻ تي ٻيهر ٽيم لاءِ موجود هوندس.
آل رائونڊر گلين ميڪسويل آءِ پي ايل جي 6 ميچز ۾ رڳو 32 رنس ٺاهيون جڏهن ته رائل چئلينجز بئنگلور پوائنٽس ٽيبل تي آخري نمبر تي آهي.
آسٽريلوي آل رائونڊر مچل مارش به انجري جو شڪار ٿيڻ سبب ڪرڪيٽ آسٽريليا کيس واپس گهرائي ورتو آهي، آسٽريلوي ليگ اسپينر ايڊم زمپا ٽي ٽوئنٽي ورلڊڪپ کان اڳ آرام جي لاءِ آءِ پي ايل نه کيڏيو هو ………
