امريڪي قومي سلامتي جي صلاحڪار جيڪ سليوان چيو آهي ته اسرائيل کي فلسطيني شهرين ۽ حماس ۾ فرق ڪرڻ گھرجي.
هڪ انٽرويو ۾ جيڪ سليوان جو چوڻ هو ته اسرائيلي وزيراعظم اولهه ڪناري جي ماڻهن جي خلاف انتهاپسند يهودي آبادڪارن جو تشدد به روڪرائي.
هن چيو ته اسرائيل کي فلسطيني شهرين ۽ حماس ويڙهاڪن ۾ فرق رکڻ گھرجي ۽ غزه جي فوجي آپريشن ۾ شهرين ۽ ويڙهاڪن جو فرق رکڻ لاءِ اسرائيل کي هر ممڪن قدم کڻڻ گھرجن.
خيالن رهي ته غزه ۾ اسرائيلي بمباري 23 هين ڏينهن به جاري آهي.
فلسطيني صحت واري وزارت جو چوڻ آهي ته غزه ۾ اسرائيلي بمباري سبب شهيدن جو انگ 8 هزار 5 سئو ٿي ويو آهي جن ۾ 3 هزار 324 ٻار شامل آهن جڏهن ته زخمي فلسطينين جو انگ 20 هزار 242 تائين پهچي ويو آهي….
