- Advertisement -
وزيراعظم شهباز شريف انساني اسمگلنگ کي پوري دنيا ۾ پاڪستان لاءِ بدنامي جو ڪارڻ قرار ڏيندي ان جي روڪٿام لاءِ لاڳاپيل ادارن کي اثرائتي رابطي تي زور ڏنو آهي.
وزيراعظم شهباز شريف جي صدارت هيٺ انساني اسمگلنگ جي روڪٿام بابت اجلاس ٿيو.
اجلاس ۾وزيراعظم انساني اسمگلرن جي سهولتڪاري ۾ ملوث ايف آءِ اي اهلڪارن جي نشاندهي ۽ انهن خلاف سخت ڪارروائي جي هدايت ڪئي.
شهباز شريف چيو ته 2023 ۾ ٻيڙي اونڌي ٿيڻ واري حادثي کانپوءِ ذميدارن خلاف ڪارروائي ۾ انتهائي سستي کان ڪم ورتو ويو پر هاڻ ذميوار آفيسرن خلاف سخت ڪارروائي ٿيندي.
وزيراعظم انساني اسمگلنگ بابت جاري جاچ جلد مڪمل ڪري ٺوس سفارشون پيش ڪرڻ جي هدايت ڪئي.
شهباز شريف جو چوڻ هو ته انساني اسمگلنگ پاڪستان لاءِ سموري دنيا ۾ بدنامي جو سبب بڻجندي آهي- Advertisement -
